Хрватска меѓу најголемите извозници на воена опрема, минатата година извозот пораснал за 50%

Добивај вести на Viber

Растот на извозотна воена опрема на Хрватска лани пораснал за над 50% во однос на 2011 година па општо гледано е рекорден износ на извозот на воена опрема од осамостојувањето на земјата, пишува хрватскиот весник Нови лист. Соред податоците на весникот, во текот на 2012 година вкупниот износ на извозот на воената индустрија во Хрватска изнесувал 880 милиони куни. Тоа се неофицијални податоци на Агенцијата Алан, задолжена за воениот извоз. Резултатите се неофицијални, бидејќи дел од производителите имаат посебни дозволи па можат сами да извезуваат, без посредување на Алан. Но, поред бројките на весникот, вкупниот извоз на веоена орема се проценува на 880 милиони куни. За споредба, пред една година вкупниот извоз на воената индустрија застана на околу 550 милиони куни, а досегашниот рекорден извоз беше во 2009 година, кога беше над 650 милиони куни. Директорот на Агенцијата Алан, Иван Некиќ вели дека Хрватска со овие резултати е меѓу 25 најголеми извозници на воена опрема во светот. „Кога би се пресметувал само извозот на најмодерните технологии, тој пласман би бил и многу подобар“ вели Некиќ. Имено, за разлика од многу други држави кои повеќето извезуваат само вишок на постара опрема, хрватскиот извоз во над 95% случаи се однесува на продажба на нови технологии и производи. “Морам да кажам дека овој резултат е уште повреден ако се земат предвид некои објективни околности. Пред се, во овој сегмент владее голема конкуренција на светскиот пазар. Потоа, се работи за извоз на најмодерни технологии и тоа во најголема мера на скапите западни пазари. А на крај, оваа индустриска гранка на ниту еден начин не е субвенционирана од државата, ниту има било какви државни монополи“ истакнува Некиќ. Што се однесува на самиот извоз и производите, поединечно најдобар извозен производ е пиштолот ХС 2000. Во 2012 година се продадоа 460.000 такви пиштоли само во САД. САД како пазар и навистина е најголем увозник на хрватски производи за воена намена. Дури 60 отсто од нашиот воен извоз се пласира во САД: ХС Продукт, производител на тој пиштол, е во фаза на воведување и на јуришна пушка ВХС во Хрватската фабрика. Потоа се надеваат дека оваа пушка може да биде голем извозен адут. Според неофицијални податоци од Агенцијата Алан, Хрватска воената опрема ја извезува во 39 светски држави. Некои од нив секако треба да ги наведеме, пред се на пример Израел, земја која најголем дел од своите воено технички потреби ги подмирува од сопственото производство или со кооперација со Американците. Но, дури и тие увезуваа хрватски воени производи во 2012 година. Исто така, две убедливо најголеми извозници на оружје, наведената САД, па и Русија, во однос на Хрватска се примарни увозници. А гледано од перспектива на настаните од пред 20 години, речиси комично звучи податокот дека и Србија набавувала наши производи, пред се куршуми.