ХРВАТСКА ПОПУШТИ: Еве под кои услови ќе може да се извезува овошје и зеленчук
Објавено во: Агробизнис 10 Август, 2017 14:44
Хрватска го повлече контроверзниот правилник за инспекциска контрола.
Хрватскиот министер за земјоделство, Томислав Толушиќ денеска донесе одлука за повлекување на Правилникот за фитосанитарна контрола на овошје и зеленчук, увезени од држави што не се членки на ЕУ.
Одлуката на Толушиќ доаѓа по критиките на земјите од Западен Балкан. Министрите за земјоделство на Македонија, Босна и Херцеговина, Србија и Црна Гора на средба во понеделникот во Сараево побараа Загреб под итно да го повлече правилникот.
Овие земји побараа Хрватска да ги прилагоди своите цени за инспекциска контрола со просечната цена во земјите членки на ЕУ и апелираа до Унијата да се вклучи во решавање на спорот. Тие најавија и дека ако Загреб не ја повлече одлуката за зголемување на цените на инспекциите, ќе преземат реципрочни мерки кон Хрватска.
Со правилникот се предвидуваше цените за инспeкцискиот надзор да бидат зголемени за повеќе од 22 пати.
Според новата одлука која ќе биде објавена утре, контролата на овошјето останува на сила, а секоја пратка која влегува во Хрватска мора да биде без штетници, овошјето мора да биде здраво и зрело.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
