Хрватска се повлекува од арбитражата за пограничниот спор со Словенија
Објавено во: Балкан 30 Јули, 2015 19:18
Хрватската Влада донесе одлука за започнување на постапка за поништување на договорот за арбитража со Словенија, потпишан во Стокхолм во 2009 година, поради неговото нарушување од страна на Љубљана, пренесоа „Hrvatskoto radio i televizija „HRT“.
Министерката за надворешни работи на Хрватска, Весна Пусиќ изјавила дека Министерството ќе ја информира Словенија дека поради кршењето на договорот се создале услови за негово укинување, според меѓународното право.
Во нотата која хрватското МНР ќе ја упати кон Словенија, ќе се наведува дека договорот се укинува од датумот на испраќање на дипломатската нота.
Потсетуваме дека Хрватска и Словенија потпишаа договор во 2009 година, со кој се согласија арбитражен суд да одлучува за граничниот спор меѓу двете земји.
Загреб и Љубљана расправаат за копнени и поморски граници во реонот на Пиранскиот залив во Јадранското Море, каде Словенија сака директен пристап до меѓународните води. Поради спорот Љубљана го блокира членството на Хрватска во ЕУ во 2008 година. Со потпишување на договорот и беше дадена можност на Хрватска да се приклучи кон ЕУ.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
