Хрватска смирува: Млеката имаат штетна супстанција, но во минимални количини

Добивај вести на Viber

Млеката на хрватските производители „Дукат“ и „Виндија“ се повлекуваат од пазарите откако се утврди присуство на минимални повисоки концентрации на алфатокскинот М1. Овие производи ќе бидат повлечени и од македонскиот пазар. Кои се штетните млека? Министерството за земјоделство на Хрватска побара повлекување на трајното млеко на „Виндија" од 2,8 отсто масленост во пакување од 1 литар со рок на траење до 3.07.2013, како и на млекото од 2,8 отсто масленост од 1 литар со рок на траење до 24 односно 31 мај 2013. Исто така, ќе се повлече и трајното млеко на „Дукат", со масленост од 2,8 отсто во пакување од 0,5 литри со рок на траење до 24 јуни 2013 и трајното млеко „Лагано јутро" од 2,8 отсто масленост во пакување од 1 литар со рок на траење до 25 април 2013 година. Повисоката концентрација на оваа супстанција, штетна за луѓето е откриена по аларм од пазарот во БиХ.Потоа испитувања се направени во Хрватска, а примерок за потврда на наодот е пратен и во Виена, од каде се чекаат резултатите. Помали отстапки Утврдени се помали отстапки од дозволената концентрација на алфатоксинот М1, кај производителите „Виндија" и „Дукат", а производителите се запознати со тие наоди. Хрватското министерство ги повика граѓаните да ги проверат млеката во своите фрижидери и да ги фрлат доколку имаат некое од наброените. Министерството за земјоделство на Хрватска ги известува потрошувачите дека нема причина за загриженост, затоа што се работи за минимални отстапувања од пропишаните.