Добивај вести на Viber
За две години од почетокот на објавувањето на даночни должници, популарно наречен „столб на срамот“, Хрватска успеала да си наплати одвај 2,6% од долгот за данок.
Сепак според податоците доставени од хрватската Даночна управа, списокот на должници малку се скратил. Така, на првата листа објавена на 31 јули 2012 година се наоѓале 102.370 должници, а на последната во јули годинава - 82.408.
Иако, статистички долгот во овој период се намалил за 1,18 милијарди евра, реално во овој период должниците уплатиле само нешто повеќе од 100 милиони евра. Ова се должи и на фактот што од листата на срамот се бришат не само оние должници што во целост го подмириле долгот, туку и оние кои платиле доволно за да се спуштат под прагот доволен за да бидат објавени.
Хрватска ја ревидира листата на даночни должници на секои три месеци, а од неодамна ваква листа воведоа и македонските даночни власти.