Хрватската црква е недопирлива, треба ли да плаќа данок?!

Добивај вести на Viber

Хрватското здружение на граѓани за заштита на човековите права „Давид“ ќе собира потписи за да поднесе петиција за целосна оданочување на Католичката црква. Од Здружениетопосочуваат дека црквата е исклучително богата, па затоа посебно во време на криза е праведно и таа да се оданочува, сите нејзини активности и имот. Католичката црква е многу богата, а во светски рамки поседува имот вреден илјадници милијарди евра, од кои само во Хрватска неколку милијарди евра, велат од здружението. Тие велет и дека годишно црквата од државниот буџет добива околу милијарда куни, а е ослободена од многу даноци кои треба да ги платат граѓаните и бизнисмените. Затоа се бара државата да почне да ги оданочува црковните приходи за време на миса, погреби и други религиозни церемонии, како и доброволните прилози, сиот имот, сите непрофитни активности, и да се стави на исто рамниште со другите субјекти кои се обврзани да плаќаат даноци. Здружението бара црковните правни лица да почнат да доставуваат финансиски извештаи за сите приходи, трошоци и профит. Од здрушението посочуваат дека е чудно во 21-ви век, да нема данок за свештениците  што е директно кршење на Уставот и нивно привилегирање.