Хрватски газда купил хотел на море за да има каде да одмораат неговите вработени

Добивај вести на Viber

Бизнисмен купил хотел на море само за вработените.

Претприемачот Дарко Мет Сертиќ одлучил на своите вработени да им овозможи убав и пријатен одмор во хотел кој го реновирал само за нив. Во градот Јабланац на хрватското приморје има хотел кој Дарко решил да го купи за да можат неговите вработени да се одморат. Сертиќ со години барал објект во кој работниците од неговите три фирми во Сисак би можеле да одмораат бесплатно. 

„Ако сакате добра и просперитетна компанија со среќни вработени, мора да им се обезбеди некои основни работи – платени патни трошоци, топол оброк, но и убав одмор. Мора да им помогнете со она што влијае на нивниот семеен буџет малку повеќе. Така ги чувате. Освен тоа, ќе привлечете нови, попаметни луѓе од себе. Тогаш можеш малку да се повлечеш и да кажеш – супер, помалку обврски за мене“, вели Сертиќ (66).

Пред две години го купил хотелот Аблана со 26 соби. Изграден е во втората половина на 90-тите и работел до 2010 година, кога бил оставен на милост и немилост на вандалите и времето.

„Беше обраснат со трева и имаше диви животни во него, а собите беа тоалети за сите луѓе кои се капеа на блиската плажа. Беше ужасно! Сè може да се подобри, освен локацијата. Кога нешто е на одлична локација, тогаш има смисла да се работи напорно“, објаснува сопственикот Сертиќ.

Тој е фокусиран на довршување на хотелот на кој досега потрошил речиси три милиони евра. Го задржал оригиналниот изглед на зградата, за која вели дека е извонредно дизајнирана и реновира сè внатре. Досега во светот имало примери кога газдите им плаќаа одмори на работниците на луксузни места.