Хуманитарна трка за деца со Даунов Синдром
Објавено во: Мои пари 16 Март, 2017
По повод светскиот ден на лицата со Даунов Синдром во организација на Мечувалечки Клуб Ескрим се организира третата по ред Хуманитарна трка за деца со Даунов Синдром во сабота, 18.03.2017, во 11.00 часот во Градски парк, пред Школка.
Трката е отворена за сите наши хумани граѓани,но ќе учествуваат и децата со Даунов синдром и нивните семејства.Со овој настан се цели кон подигање на свеста за овие прекрасни личности,да сепоттикнат и останатите спортски клубови да ги отворат вратите за децата со Даунов синдром, да ги вклучат во спортот и да им се обезбеди еднаков пристап до него како и за редовните деца.
За овие деца спортувањето е од огромно значење бидејќи со спортувањето ја развиваат моторика,координацијата,одржувањето на баланс итонусот на мускулите. Сите овие работи се многу важни за нивен понатамошен самостоен живот. Со спортувањето добиваат уникатна социјализација,стекнуваат нови пријателства. Инклузијата како сегмент кој што серазвива со помош на хуманитарната трка дава исклучителни резултати во нивниот живот.
Се покануваат сите да се приклучат на оваа трка. Заинтересираните можат да се пријават на http://www.smartrace.club/ или 30 минути пред почетокот на самата трка. Средствата собрани од овој настан ќе бидат наменети за едногодишно бесплатно спортување на децата.
Да трчаме за децата со Даунов Синдром!