Добивај вести на Viber
Фабриката “Унидал“, што произведува опрема за далеководи меѓу своите вработени имала вистински херој, млада девојка го отстапила своето работно место на самохрана мајка со две деца и покажала дека хуманоста нема граници.
Фабриката вработила околу 130 работници, но како и многумина во ова време на криза и во “Унидал“ од неодамна било објавено дека треба да бидат отпуштени три лица, меѓу кои се нашла и една самохрана мајка.
-Јас сум се’ уште слободна, без обврски и живеам кај своите родители, па затоа можам своето работно место да и’ го препуштам на мојата колешка“, изјавила девојката.
Кога директорот на “Унидал“ ги соопштил имињата на вработените кои ќе бидат отппуштени, девојката која ги изненадила сите со својата постапка рекла -Сакам своето работно место да и’ го отстапам на колешката, но под услов дека тоа место ќе биде само за неа“.
По нејзината изјава, многумина од присутните заплакале, а солзи се појавиле и во очите на директорот, кој ја одобрил нејзината молба.
Великодушната девојка подоцна рекла дека таа полесно ќе се снајде отколку нејзината колешка која е самохрана мајка на две деца и има кредити за плаќањe.