И Британците на протест против мерките за штедење

Добивај вести на Viber

Илјади Британци излегоа на улица на протест против мерките за штедење усвоени од Владата, пренесуваат тамошните медиуми. Британците ја обвинуваат владејачката елита дека ги занемаруваат маките на нивните избирачи погодени од рецесијата. Популарноста на премиерот на Велика Британија Дејвид Камерон драстично опадна во последниве месеци поради нејзината политика на штедење. Камерон одамна се спротивставува на мислењето на британскиот електорат дека владејачките пратеници доаѓаат од богати семејства и се отсечени од проблемите на обичните луѓе. Избирачите се лути и на министерот за финансии Џорџ Озборн, кој се беше возел во вагон од  прва класа со „нормален" билет, за што потоа мораше да си доплати. По оваа случка буквално експлодира јавното мислење, а критичарите на владата на Камерон побрзаа да ги обвинат министрите-конзервативци дека се недостапни и привилегирани. Незадоволни Британци кои излегоа на протестот, прво минаа покрај парламентот во Лондон, а во Хајд парк пред нив истапи со свој говор Ед Милибанд, социјалниот министер за Велика Британија, кој е од опозициската Лабуристичка партија. Митинг имаше и во Белфаст, Глазгов и други градови на земјата. Британците се гневни на политиката на Владата од која се чувствуваат измамени. Демонстранти објаснуваат дека биле ветени нови работни места и зајакнување на економијата, но тоа не се случило. Наместо исполнети предизборни ветувања, новите економски мерки удриле по најранливите слоеви од општеството. Дејвид Камерон се вети дека ќе го разлабави строгиот буџет, а на изненадување на своите министри и штрајкувачите, рече дека ќе ги принуди енергетските компании да применуваат пониски тарифи за домаќинствата. Но, тоа не ја смири толпата. Сепак има аналитичари кои истакнуваат дека се забележува пад на невработеноста и инфлацијата во Британија, што е знак дека политиките на Камерон се на добар пат иако не со очекуваното темпо. Економисти препорачуваат владата во Лондон да се придржува кон планот за штедење и реформи, за да се справи со дефицитетот, кој во моментов е над 8% од бруто домашниот производ на земјата.