И ГЕРМАНСКИТЕ ЕКСПЕРТИ НАВЕДУВААТ: Причината за пожарот во модуларната болница во Тетово, можеби е продолжниот кабел
Објавено во: Македонија 24 Јануари, 2022
Во извештајот на
германските експерти се наведува дека причина за ширењето на пожарот во
тетовската модуларна болница можеби е продолжениот кабел на кој бил приклучен
медицински апарат за лекување на пациенти, дознава Алсат од нивни извори во тетовското обвинителство каде пристигна преводот на извештајот на германските
експерти
Извештајот, како што наведува Алсат, а според обвинителството, е доставен на анализа на пет обвинители вклучени во истрагата за случајот, кој, откако ќе го анализираат, ќе утврдат дали од овој извештај ќе произлезе правно мислење за отворање нови истраги, или ќе продолжи со истите истраги што домашните обвинители ги водеа досега. Состанокот на обвинителите се очекува да се одржи во рок од една недела, по што ќе бидат донесени заклучоците.
Во пожарот што избувна лани на 8 септември загинаа 14 лица, од кои 12 беа пациенти и двајца членови на семејство кои се грижеле за пациенти заразени со Ковид.