Добивај вести на Viber
Основниот проблем на пазарната економија се чини дека се разлики кои се создаваат помеѓу богатите и сиромашните. Иако во основа и нема некој проблем тој гап да е многу голем, се додека оние кои се на лошата страна на спектарот успеваат нормално да живеат. Сепак податокот дека во најсилната земја на светот, САД 15% од луѓето се сиромашни не оди баш во прилог на оваа теза.
Кина е интересен пример за оваа тема. Земјата која воведе пазарен модел изминативе години многу напредна. Денеска таму има 122 милијардери, сепак 13% од луѓето живеат со помалку од 6о денари на ден. Таа бројка како што гледате е помала од САД, но во толкава земја како Кина тоа е страшно голема маса на луѓе.
Раководството на Кина има намера до 2020 година да го дуплира БДП во руралниот дел и со тоа да влијае на намалувањето на сиромаштијата, но прашање е колку во тоа ќе успее. Главниот страв е незадоволството што може да го предизвика ваквата ситуација на нееднаквост.
Преку фотографии ќе ви ја покажеме таа неедкваност. Вакви слики може да се направат и во САД, но за потребите на овој текст ги позајмивме фотографиите на Ројтерс:
Сиромашни граѓани кои се коцкаат и само неколку блока подалеку, дотерани луѓе кои со шампањско очекуваат почеток на модна ревија.
Од левата страна е едно од најкористени превозни средства во Кина, модификуван велосипед на три тркала и од другата страна е Ролс Ројс на аукција за лукзузни олдтајмери.
Некој се облекува на улица, а некој во ултра скапиците бутици во Пекинг. Кина е најголем потрошувач во светот на луксузна стока.
Во таква ситуација, нормално е и кучињата да имаат различен третман.
Редакција Фактор