И нов Луна Парк и скијачки центар на Водно; Трајановски бара втор мандат

Добивај вести на Viber

Новиот Луна Парк и веќе најавената скијачка патека на Водно се дел од проектите во програмата на скопскиот градоначалник Коце Трајановски со која тој ќе бара втор мандат од граѓаните. Според плановите, новиот Луна Парк ќе се  гради по пат на јавно-приватно партнерство. Вредноста на проектот ќе изнесува 8 милиони евра, а паркот ќе нуди можност за организирање на разновидни активности од забавен и едукативен карактер. Паркот треба да биде пуштен во употреба до 2015 година. Вториот голем проект кој го најавува Трајановски е изградбата на скијачката патека на Водно. Според предвиденото, таа треба да биде целосно готова до 2016 година. Ќе се гради исто како и Луна Паркот, со јавно приватно партнерство, при што Градот Скопје ќе најде приватен партнер кој ќе го гради Скијачкиот центар на Водно. Во слоп  на проектот се предвидува изградба на скијачки патеки, ски лифтови,  ресторани, административна зграда со ски рент и ски школа ,технички објекти. Вредност на проектот на овој проект е 5 милиони евра, посочи Трајановски.