И ова е Белград-стан 500 евра дневно

Добивај вести на Viber

Во време на економска криза се повеќе луѓе во Белград се трудат на било каков начин да заработат. Една таква идеја е сопствениот стан да се издава како за приватно сместување. Замислата не е оригинална, бидејки оваа пракса веќе одамна се применува ширум Европа, но секако е  додатен, па и основен извор на приход за кој не е потребно многу големи вложувања. Клиентелата е различна- од туристи со претпознатливите ранци на грбот, до оние кои се службено во посета на Белград и секако до Белграѓани на кои им е потребна интима. Милош Чоровиќ сопственик на стан во центарот на Белград вели дека се одлучил на овој чекор, бидејки заработката е навистина голема. Кревет на ден може да се изнајми за 15 евра, додека за луксузната клиентела на располагање им се и станови чија дневна цена се качува и до 500 евра. -Иако имам трособен стан во центарот на градот не можам да го издавам за повеќе од 300 евра месечно. Додека за собите посебно наплаќам за ден  по 40 евра, за десет дена можам да заработам многу повеќе отколку за еден месец нормално издавање. Цената зависи од бројот на гости во станот, од тоа колку време имаат во план да останат како и од туристичката сезона, објаснува Милош. Од туристичките српски агненции потенцираат дека со секој изминат ден се повеќе расте заинтересираноста за овој вид на бизнис.