ИЕА: Глобалната побарувачка за гас ќе порасне за 2,5 отсто во 2024 година

Добивај вести на Viber

Во 2024 година, глобалната побарувачка за гас ќе порасне за 2,5 отсто на годишно ниво, односно за 100 милијарди кубни метри.

Ова се наведува во прогнозата што денеска ја објави Меѓународната агенција за енергија (ИЕА) на веб-страницата на организацијата.

Глобалната побарувачка на гас се зголеми за само 0,5 отсто минатата година, бидејќи растот во Кина, Северна Америка и некои други земји во Африка и на Блискиот Исток го неутрализираше падот на побарувачката во некои други области.

Во 2023 година, потрошувачката на природен гас во Европа падна за седум отсто на годишно ниво, на најниско ниво од 1995 година. Брзото проширување на обновливите извори на енергија и зголемената достапност на нуклеарна енергија придонесоа за овој пад, посочува ИЕА.

Growth in global natural gas demand is set to pick up this year due to colder winter temperatures & easing prices.

But geopolitical risks & supply concerns could trigger renewed price volatility.

More in our latest Gas Market Report https://t.co/9ApYpweXun

— International Energy Agency (@IEA) January 26, 2024

Растот на побарувачката и ограничената понуда на течен природен гас (ЛНГ) би можеле значително да придонесат за флуктуација на светските цени на гасот во текот на годината.

Меѓународната агенција за енергетика забележува дека цената на гасот во 2024 година може да биде под влијание на различни геополитички фактори, како што е конфликтот во Украина или на Блискиот Исток.