Игор Дурловски утре ќе ја пее македонската химна на протестот на ВМРО-ДПМНЕ
Објавено во: Македонија 17 Јуни, 2022
Оперскиот изведувач Игор Дурловски објави дека и утре ќе ја пее македонската химна на почетокот од опозицискиот протест што го организира ВМРО-ДПМНЕ во Скопје а на кој се најавени десетици илјади присутни.
Протестот ќе започне утре во 20.00 часот пред зградата на Владата.
„За сите оние кои ме распнуваа поради ангажманот во ,,Заедничка Македонија", за тие кои ме напаѓаа за моето учество на парламентарните избори во 2020-тата година, за тие кои ја критикуваа одлуката да го отстапам пратеничкиот мандат, но и за ВАС кои ме поддржувате токму поради моите одлуки и постапки - никогаш отстапки.
Ќе пејам во чест на сите политички затвореници, за Гоце, за Даме, за Јане, за Питу...Ќе пејам бидејќи да пејам од срце- најдобро знам“, објави Дурловски.
Лидерот на ВМРО-ДПМНЕ, Христијан Мицкоски, протестот го најави како еден од најголемите во историјата и дека ќе биде обезбеден транспорт од сите краеви на земјата.