Илир Мета: Поддршка за ВМРО-ДПМНЕ, верувам ги научи грешките од непотизмот
Објавено во: Македонија 14 Април, 2024
Поранешниот претседател на Албанија, Илир Мета, преку објава на социјалните мрежи оддаде поддршка за ВМРО ДПМНЕ пред претстојните парламентарни избори, но и верува во тоа дека најголемата опозициска партија научила од грешките во минатото.
-Новиот тим на ВМРО-ДПМНЕ, верувам, доволно научи од грешките направени во минатото и последиците од непотизмот, кој ги засени извонредните економски и општествени достигнувања. Северна Македонија ќе продолжи безбедно да чекори по евроатлантскиот пат и повторно Албанците ќе бидат клучната гаранција за тоа, пишува Мета.
Според лидерот на Партијата на слободата, победата на ВМРО-ДПМНЕ е извесна, а тоа, како што рече ќе донесе економски развој и продолжување по евроатлантскиот пат на земјата.
На објавата тој постира и фотографија од поранешна средба со лидерот на ВМРО ДПМНЕ, Христијан Мицковски.