ИМ СТИГНА МЛЕКО ВО ПРАВ: Куба бара ОН да помогне за обезбедување храна

Добивај вести на Viber

Кубанците се соочуваат со недостиг на храна. Оваа земја бара помош од ОН.

Тоа е знак за тоа колку е сериозна моменталната кубанска економска криза, јави Би-Би-Си.

Светската програма за храна на ОН објави дека добиле официјално барање од кубанската Влада за помош во обезбедување месечна испорака на еден килограм млеко во прав за деца под седум години. При крај се и резервите на гориво и лекови.

Светската програма за храна на ОН претходно соопшти дека веќе почнала испораки на млеко во прав до островската држава.

Недостигот на млеко од тогаш се влоши, а министерката за внатрешни работи Бетси Дијаз предупреди на почетокот на овој месец дека испораките за деца на возраст од шест месеци до две години се одложени.

Млеко во прав и други основни животни намирници им се обезбедуваат на Кубанците по субвенционирани цени преку рационализирање, но одложувањата и недостигот се вообичаени, особено во време на економски тешкотии. Системот е воспоставен во 1962 година од тогашниот кубански лидер Фидел Кастро, откако САД воведоа санкции кон Куба кои сè уште се во сила и само го зголемија недостигот на стоки. Кубанската влада ги обвинува тие американски санкции за лошата состојба на нејзината економија и честиот недостиг, но критичарите велат дека зад сегашната економска криза, која е најлоша во последните триесет години, стои лошата владина политика.