Имам 14 години и се срамам што живеам во Хрватска!

Добивај вести на Viber

Повеќе од 19.000 „лајкови“ за својот пост на Фејсбук страница на хрватската Влада доби 14-годишниот Фран Сарајлија. „Слушнете го ова. Значи јас и мојот пријател Патрик денеска влегуваме во пекара за да си купиме пица пред училиште. И, јас влегувам внатре и гледам една 80-годишна баба како проси внатре. Е, сега таа не проси пари, туку бара храна, ХРАНА. Па како Вас не Ви е жал, КАКО? Мене ми се скрши срцето. Бараше едно мало лепче од 2 куни, па и купив три. Ете имам 14 години и ми е срам што живеам во Хрватска! ", напиша  14-годишникот на официјалната владина веб-страница. „Оваа влада е на власт 10 месеци. Фран, знаеме каква е ситуацијата, но се работи  секој ден, не доаѓа се преку ноќ. Тешко да се решат проблемите кои се натрупувале со години и не се решавале. Потребно е уште малку трпение, но резултатите доаѓаат“, му беше одговорено од Владата. Пост на Фран го коментираа речиси 600 луѓе. Најголем дел од нив го поддржаа, додека останатите кои застанаа на страна на Владата, го обвинуваа дека се ова, намерно се негирале досегашните успеси на Владата.