Именувањето на новите функционери одглавено, разрешен Фадил Зендели
Објавено во: Македонија 03 Март, 2022
Собранието со 61 глас го разреши пратеникот Фадил Зендели од Движењето „Беса“, која во меѓувреме премина во опозиција, од член на собраниската Комисија за прашања на изборите и именувањата.
Со ова се отвора патот да се одблокира клучната собраниска комисија преку која се именуваат функционери, а пред се од истата се очекува да предложи четири нови уставни судии.
Координаторот на пратеничката група на ВМРО-ДПМНЕ и Коалицијата Никола Мицевски чинот го оцени како „демонстрација на сила и надмоќ“.
Според власта, опозицијата три дена му се додворувала на пратеникот Зендели, кој своеволно преминал во опозиција, а беше дел од Коалицијата „Можеме“.
Опозицијата во меѓувреме поднесе 400 амандмани во архивата.