Општина Сарај доби в.д. градоначалник
Објавено во: Македонија 22 Јуни, 2024
Советот на општина Сарај во петокот го изба Иљас Весели за в.д градоначалник на Блерим Беџети, кој во меѓувреме стана пратеник во Собранието.
Весели како единствен кандидат беше изгласан со 16 гласа и вети дека ќе продолжи со работите и обврските како и со тековните проекти со цел непречено функционирање на општината и услугите на граѓаните.
Редовните локални избори ќе се одржат во октомври 2025-та година. До тогаш останува нешто повеќе од една година, па оправданоста на промените на Законот за локална самоуправа подносителите ја бранат со економски причини. Велат дека нема потреба да се распишуваат вонредни локални избори, да се трошат пари, а потоа за речиси една ипол година, да се прави истото во тие општини.
ВМРО-ДПМНЕ, ВРЕДИ и ЗНАМ имаат 78 пратеници, но да ги изгласаат промените, потребни им се најмалку 80. СДСМ и Европскиот фронт засега се без официјален став по ова прашање.