САД: Изјавата на Мицкоски е во склад со Договорото од Преспа
Објавено во: Македонија 22 Јуни, 2024
Според Стејт Департментот, „Изјавата на мандатарот Христијан Мицкоски дека ќе го користи уставното име на државата во сите официјални контексти е во склад со Договорот од Преспа“.
Ова САД го изјави за Гласот на Америка на македонски на прашањето дали мандатарот „со употреба на две имиња за државата, дома Македонија, а надвор Северна Македонија, се обидува да создаде лажен впечаток дека се придржува до Договорот од Преспа“.
Мицкоски, по поднесувањето на предлог-составот на владата и нејзината програма, рече дека заклетвата за премиер ќе ја даде со уставното име, како и дека уставното име ќе го користи во странство, но не и во државата.
„Изјавата на мандатарот Мицкоски дека ќе го користи уставното име на државата во сите официјални контексти е во склад со Договорот од Преспа“, изјавија од Стејт департментот.
САД ја повторија важноста да се почитува Преспанскиот договор и рекоа дека ќе работат со сите страни за да се одржат неговите придобивки.