29 Март, 2024
0.0254

Имотот на новите пратеници: Крмов има само стан, Коциќ со „непроценлива“ ординација, Сајкоски со богати родители

Објавено во: Економија 11 Септември, 2020

Добивај вести на Viber

Борислав Крмов, вториот пратеник од Левица во македонското Собрание покрај партискиот лидер Димитар Апасиев, во Анкетниот лист како сопственост единствено пријавил стан во Штип од 65 метри квадратни купен во 2015 а со вредност од два милиони денари. За Апасиев се уште не е објавена личната имотната состојба и онаа на неговите најблиски.

Иако нецелосно, веќе Државната комисија за спречување на корупција започна со објавувањето на имотната состојба која ја пријавуваат народните избраници, а кај дел од нив за прв пат бидејќи никогаш претходно не биле државни функционери.

Лазе Таневски, новиот пратеник на СДСМ, кој доаѓа од бизнис-фелата, заедно со својот брачен другар поседуваат пет стана, од кои три во Охрид и два во Скопје, со вкупна вредност од 15,3 милиони денари. Бизнисменот има земјоделско земјиште од 14 милиони денари во охридско Арбиново од 2015 стекнато со наследство. Докторот Ненад Коциќ од СДСМ е љубител на солидни марки на автомобили - има тојота корола од милион денари и шевролет авео од 550.000 денари. Ја пријавил како имот и специјалистичката ординација по интерна медицина „Др. Коциќ“, но не пријавил колку вреди. Има и два денарски депозити од 1,2 милиони денари.

Моника Зајкова од ЛДП од личен имот пријавила автомобил поло од 250.000 денари, а има и долгорочен кредит од 3,69 милиони денари, а за одбележување е тоа што пријавила златен накит на нејзините родители од 12,5 илјади евра.

Иванка Василевска, професорката која стана пратеник како кандидат на ВМРО-ДПМНЕ, има два кредита од лани од кои едниот од 1,2 милиони денари и другиот од 50.000 евра. Има два стана во Сопиште со вкупна вредност од 7,5 милиони денари, а кај брачниот другар пријавила три возила од кои мотор Јамаха, Нисан X треил и Цитроен Ц3 - сите во вредност од 2.050.000 денари.

Јован Јаулески, доскорешниот претседател на Унијата на млади сили на ВМРО-ДПМНЕ, од личен имот пријавил само депозит од 2.500 евра и автомобил голф 5 произведен во 2004, но го купил на старо во 2015 и вреди 200.000 денари.

Силвана Ангелевска од ВМРО-ДПМНЕ, професор на Техничкиот факултет во Битола, како свој личен имот навела само стан од 15.000 евра од 37 метри квадратни во Битола и возило рено клио купено половно со вредност од 300 евра. Марија Петрушевска пријавила четири велосипеди и штедна книшка со 60.000 денари. Здравко Трајанов, докторот по шумарски науки, од заеднички имот има два стана во Скопје од 8 милиони денари. Авторот Ѓорѓија Сајкоски пријавил имот на родители од 46 милиони денари во куќи, деловен простор, градежно земјиште и друго. Бети Стаменкоска навела како личен имот само акции од околу 250.000 денари и кредит од 80.000 денари.

Артина Ќазими, која со 23 години е најмлад пратеник и доаѓа од редовите на коалицијата Алијана за Албанците и Алтернатива, како свој личен имот има куќа и двор во вредност од 19,1 милиони денари во Добридол.

А.К.

Можеби ќе ве интересира

Во што „Стопанска банка Скопје“ вложи 40 милиони евра? Се спрема кредитна офанзива!

Во што „Стопанска банка Скопје“ вложи 40 милиони евра? Се спрема кредитна офанзива!

Фокус во Кина: Европските претпријатија гледаат на можностите за инвестирање во кинескиот Хубеи

Фокус во Кина: Европските претпријатија гледаат на можностите за инвестирање во кинескиот Хубеи

ДУИ со експанзија во угостителството

ДУИ со експанзија во угостителството

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

КИНЕЗИТЕ ДОБИВААТ УШТЕ ДВЕ ГОДИНИ РОК ЗА ИЗГРАДБА НА АВТОПАТОТ КОН ОХРИД: измените на законот пред пратениците, кој ќе го гласа?

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?