01 Март, 2024
0.0244

Индијци работат во Србија, ги прашавме дали би работеле во Македонија?

Објавено во: Економија 30 Јануари, 2023

Добивај вести на Viber

Индијци веќе работат во Србија, а дел од индиските граѓани ги контактираат своите сонародници за да прашаат дали и тие би можеле да најдат некаква работа кај нашиот северен сосед и колкави се платите.

Прадеп Мудалиар од Индија е механичар кој месечно заработува до 260 долари во својата земја и се обидел да најде работа во Србија, но засега не успеал во намерата. Објаснува дека 260 долари не се доволни за да опстане едно семејство. Овој човек за Фактор вели дека би се преселил во странство, би дошол и на Балканот, но македонската просечна плата за него е мала за да опстане овде. За него е важно дали освен платата, би имал обезбедено сместување и оброци. Објаснува дека би прифатил работа во регионов, но за плата од 800 евра, затоа што дома не плаќа кирија, инфлацијата е ниска, но овде како странец ќе мора да плаќа за сместување, а воедно иако не располага со точни податоци, знае дека скоро сите земји имаат висока инфлација. Кога му кажавме колку изнесува македонската минимална, а колку просечна плата, смета дека примањата се ниски.

„Минимална плата од 300 евра е многу мала, а би работел за 800 евра. Не знам точно каква е состојбата во Србија, слушнав дека земјата е скапа. Таму трошоците за живот се доста повисоки за разлика од Индија. Сега во Европа има висока инфлација, а во Индија е ниска, нешто над 5 отсто. Индијците одат во странство за да работат и тоа најчесто во САД, Канада, Малезија и Сингапур“, раскажува Мудалиар.

Депак Рајани, Индиец кој живее и работи во Берлин, вели дека голем број негови сонародници се селат во Германија затоа што имиграцијата е олеснета. Додава дека Индијците таму почнуваат да работат за плати од над 2.000 евра. Објаснува дека Балканот нуди помалку можности и пониски плати. 

„Тоа е добро познат факт, дека доселувањето е олеснето во Германија. Но, не знам колкави се трошоците за живот во Србија или Македонија, затоа што не сум бил таму. IT инженерите кои имаат искуство, заработуваат и по 80.000 евра годишно во Германија“, вели тој.

Групите на социјалните мрежи каде Индијците се информираат за работа во Србија имаат по неколку илјадни членови. Индијци веќе живеат и работат во Белград. Ангажирани се како возачи на автобус, градежници, помошни работници. Во Србија во 2020 година легално регистрирани биле 410 работници од Индија, но работата на „црно“ сепак постои. И дел од македонските работодавци истакнуваа дека Македонија треба да размислува за „увоз“ на работна сила. Неодамна светските медиуми пишуваа дека Индија има огромна млада популација за која државата нема да може да обезбеди работни места, поради што во иднина се можни социјални немири. Беше наведено дека лекари се нафаќаат да работат за плата од 300 долари. Лани во мај, просечната плата во Индија изнесувала 422 долари. 

Сања Атанасовска

foto freepik.com/tongstocker1987

Можеби ќе ве интересира

ДЕВЕТ ГОДИНИ БИЛ ФИНАНСОВ ДИРЕКТОР - „Књаз Милош“ има нов прв човек, еве на што ќе се фокусира Станковиќ

ДЕВЕТ ГОДИНИ БИЛ ФИНАНСОВ ДИРЕКТОР - „Књаз Милош“ има нов прв човек, еве на што ќе се фокусира Станковиќ

КОЈ ПЛАТИ 580 ИЛЈАДИ ЕВРА - блок трансакција со акциите на „Алкалоид“, продадени 1.754 акции

КОЈ ПЛАТИ 580 ИЛЈАДИ ЕВРА - блок трансакција со акциите на „Алкалоид“, продадени 1.754 акции

МЕНАЏЕРКА ВО МЕДИЦИНСКА И ХЕМИСКА ИНДУСТРИЈА И МАШИНСКИ ИНЖЕНЕРИНГ НЕ МОЖЕ ДА НАЈДЕ РАБОТА: Испратила 300 апликации за работа, секаде е одбиена

МЕНАЏЕРКА ВО МЕДИЦИНСКА И ХЕМИСКА ИНДУСТРИЈА И МАШИНСКИ ИНЖЕНЕРИНГ НЕ МОЖЕ ДА НАЈДЕ РАБОТА: Испратила 300 апликации за работа, секаде е одбиена

„АЛКАЛОИД“ ИМА ОДЛИЧНИ ВЕСТИ ЗА АКЦИОНЕРИТЕ - компанијата ќе исплати за 10,2 отсто поголема дивиденда во однос на минатата година

„АЛКАЛОИД“ ИМА ОДЛИЧНИ ВЕСТИ ЗА АКЦИОНЕРИТЕ - компанијата ќе исплати за 10,2 отсто поголема дивиденда во однос на минатата година

РЕДОВНИ ГАРАНЦИИ: „ДРЖАВАТА ЌЕ ГО ОБЕШТЕТИ МИТИЛИНЕОС АКО ИМА ВООРУЖЕН КОНФЛИКТ ИЛИ ВОНРЕДНА СОСТОЈБА“ – законот за стратешката инвестиција повторно пред пратениците

РЕДОВНИ ГАРАНЦИИ: „ДРЖАВАТА ЌЕ ГО ОБЕШТЕТИ МИТИЛИНЕОС АКО ИМА ВООРУЖЕН КОНФЛИКТ ИЛИ ВОНРЕДНА СОСТОЈБА“ – законот за стратешката инвестиција повторно пред пратениците

МАШКИТЕ КОШУЛИ ОДЛИЧНО ОДЕЛЕ ВО СТРАНСТВО, АМА „МОДА“ СЕПАК ЗАВРШИ СО МИНУС - која е причината за загубата на текстилната компанија

МАШКИТЕ КОШУЛИ ОДЛИЧНО ОДЕЛЕ ВО СТРАНСТВО, АМА „МОДА“ СЕПАК ЗАВРШИ СО МИНУС - која е причината за загубата на текстилната компанија

Ќе плаќа ли РЕК Битола 3,5 евра за заштитна маска која може да се нарача и онлајн за 1 евро?

Ќе плаќа ли РЕК Битола 3,5 евра за заштитна маска која може да се нарача и онлајн за 1 евро?

ИМ СТИГНА МЛЕКО ВО ПРАВ: Куба бара ОН да помогне за обезбедување храна

ИМ СТИГНА МЛЕКО ВО ПРАВ: Куба бара ОН да помогне за обезбедување храна

ВАЖНО ЗА СКЕНИРАЧИТЕ НА СМЕТКИ: Лимитот за поврат на ДДВ се зголемува

ВАЖНО ЗА СКЕНИРАЧИТЕ НА СМЕТКИ: Лимитот за поврат на ДДВ се зголемува