Иницијатива за „нова Југославија“ со Албанија, но без Хрватска и Словенија

Според Радиото, иницијативата ја покренал министерот за надворешни работи на Црна Гора, Игор Лукшиќ, а веќе е испратен појдовен документ до шесте држави со кој треба да се формира Г-6 или балканската шесторка. Какошто изјави за телевизија Вијести државниот секретар за политички прашања на црногорското МНР, Владимир Радуловиќ, иницијативата ќе помогне за да се унапреди парламентарната соработка и регионалната борба против организираниот криминал и корупцијата, а сите детали околу соработката се оставени на земјите членки кои треба да најдат консензус за најоптималните форми. „Се забележува една сличност со поранешните држави на Југославија, со тоа што во овој случај останавме без Словенија и Хрватска, а нив ги заменивме со Албанија и Косово. Така што ова делува на бледа копија на онаа Југославија, со оценка дека нормално нема да се работи за толку цврста заедница", потенцирал и претседателот на црногорскиот одбор за европска интеграција, Славен Радуновиќ.