Инвестиција од 30 милиони евра со изградба на хотел „Хилтон“ во Скопје
Објавено во: Македонија 13 Мај, 2013
Групацијата Хилтон официјално влегува во Македонија, со хотел во населбата Аеродром.
Инвестицијата во изградбата на хотелот изнесува 30 милиони евра. Новиот хотелски објект ќе се простира на површина од околу 25.000 метри квадратни, а ќе содржи 170 соби, четири конференциски сали, спа-центар, бизнис центар и центар за здравје и голем број други содржини.
Премиерот Никола Груевски во присуство на инвеститорот Ајдован Адемовски, претставници на „Хилтон“, на амбасадите на САД и на Турција и голем број бизнисмени, истакна дека доаѓањето на брендот „Хилтон“ е уште една потврда дека напорите за привлекување инвестиции во Македонија даваат резултати.
- Хотелот се планира да биде завршен наесен следната година кога Скопје гордо ќе се приклучи кон ланецот градови кои го имаат овој познат светски бренд на хотели, рече Груевски.
Според премиерот брендот „Хилтон“ ќе биде од големо значење за поддршка на туризмот во Скопје и Македонија. Покрај туризмот, свој бенефит од изградбата на хотелот ќе има и градежната индустрија. На изградбата на хотелот ќе работат голем број градежни работници, а индиректно ќе бидат поврзани и многу други фирми од Македонија. По завршување на изградбата на хотелот во него ќе се отворат и над 100 работни места што и дава дополнителна вредност на оваа инвестиција.
Потпретседателот за развој на „Хилтон“ Урлих Видмер истакна дека брендот на „Хилтон“ е соодветен за Македонија и оти нуди извонредни капацитети за граѓаните и за развој.
- Имаме голема верба во иднината на Македонија и го очекуваме развојот во следната година. Сигурни сме дека „Хилтон“ ќе биде успешен, рече Видмер.
Инвеститорот Адемовски нагласи дека е горд што со поддршка на Владата успеале да го донесат „Хилтон“ во Македонија.
- Покрај 170 соби, повеќе конференциски сали, спа-центар од 2.000 метри квадратни, кафе-барови и други содржини, ќе добиеме и едуциран персонал според стандардите на „Хилтон“ со кој ќе се гордееме сите, нагласи Адемовски.
Можеби ќе ве интересира
МАЛОЛЕТНИЦИ ИСТЕПАНИ НА ЕКСКУРЗИЈА ВО САРАЈ - напаѓачите им се заканувале и на учителките
„Со издвојувањето на Албанија од Македонија всушност поттикнува меѓуетнички тензии и можен конфликт“: Најчевска со сериозни забелешки
„Родилката е примена завчера, со прснат водењак“: директорот на болницата во Куманово вели истрагата ќе покаже што се случи
РОДИЛКА ПОЧИНА ВО КУМАНОВО: нова трагедија во македонските болници
ТРИ РЕСТОРАНИ И МЕСАРНИЦА ОД КАВАДАРЦИ ДОБИЈА ВИСОКИ ПАРИЧНИ КАЗНИ - продавале небезбедна храна
„ИМА ПРОВОКАЦИИ КОН ПРЕМИЕРОТ И КОН МЕНЕ“: Муцнски за односите со Бугарија вели „нема да навлезам во политичката кампања“
„Дали Орбан и по промената на власта смета дека Груевски овде не може да добие фер судење“: професор Спасов со поразлични прашања до гостинот
„Оф мори мајко!!! Колку е среќна“: Ванковска со посебен осврт за средбата на нашата претседателка со претседателот на САД
ГОЛЕМА ПРОМЕНА НА ВРЕМЕТО ОД НЕДЕЛА: дождови, силен ветер, но и голем пад на температурите најавува Попоски
