Инвеститорите очекуваат мирно лето на берзите

Добивај вести на Viber

Цените на трансакциите со опции се намалуваат до едногодишно дно, покажа анализата на инвестициската банка „Goldman Sachs“, што може да е сигнал дека големите инвеститори очекуваат мирно лето на берзите, соопшти „CNBC“.

„Изгледа инвеститорите очекуваат ниска нестабилноста во пресрет на летните месеци“, пишува во својата анализа екипата на „Goldman“ за анализи на договорите со опции.

Цените на овие договори се тесно поврзани со очекувањата за флуктуации, бидејќи драстичната динамика ја зголемува веројатноста дека една опција ќе донесе профит на нејзиниот носител .

Опцијата е договор кој му дава право на купувачот, но не и обврска, да се купи или продаде дадена предност (суровини, благородни метали, акции, валути, индекси и сл) на дадена цена и со одреден рок на достасување. Од другата страна продавачот е должен да ги исполни своите обврски за опцијата, ако купувачот го бара она за кое добива премија.

CNBC дава дава пример со акција, која се тргува за 100 долари и некој размислува да купи опција која гарантира профит, ако цената на предметната акција се зголеми до 110 долари следниот месец. Друга опција е да се направи договор за опција која носи профит, ако акцијата поевтини под 90 долари. Што ќе го натера некој да купи повеќе опции - прогнозата дека акцијата ќе остане 100 долари или дека акцијата има еднакви шанси да стане 50, 100 или 150 долари?

Очигледно вториот случај има поголема веројатност за профит. Затоа трејдерите ги користат цените на трансакциите за опции, за да ги пресметаат очекувањата за нестабилноста на пазарите.

Сега овие очекувања се намалуваат и тоа најверојатно се должи на слабата нестабилноста во последниве месеци, така и на недостатокот на пазарни катализатори.

Според Стејси Галберт, директор на одделот за стратегии кај дериватите во „Susquehanna“, пазарите се во состојба на чекање на потенцијални катализатори како седницата на Федералните резерви на САД во јуни или референдумот во Британија.