Иран ќе му позајмува пари на Египет?
Објавено во: Свет 06 Февруари, 2013
Иранскиот претседател Махмуд Ахмадинеџад предложил да му даде паричен заем на Египет кој се соочува со финансиски потешкотии иако Иран е подложен на економски санкции поради нуклеарната програма.
„Претходно реков дека можеме да предложиме голема кредитна линија и многу услуги на египетските браќа“, изјави Ахмадинеџад во интервју за египетскиот весник „Ал Ахрам“.
Според него, иранската економија, иако е засегната од санкции, е голема економија, а извозот постепено се зголемува.
Ахмадинеџад исто така истакна дека има лесен напредок во насока на обновување на врските меѓу Техеран и Каиро, кои ги прекинаа дипломатските односи по Исламската револуција во Иран и мировниот договор во 1979 година меѓу Египет и Израел.