Ирска ги отвори вратите за хрватските работници, но малкумина сакаат да емигрираат

Добивај вести на Viber

Ирска за хрватските работници целосно ќе го отвори својот пазар на работна сила по пристапувањето на Хрватска до ЕУ на 1 Јули, објави владата во Даблин. Одлуката за отворање на пазарот на труд официјално беше објавена на веб-страницата на ирската влада во петокот вечерта. Во документот се најавува отворањето на пазарот на трудот,  но ирската влада посочува дека е малку е веројатно дека значителен број Хрватите сакаат да емигрираат во Ирска. „Сегашната економска состојба во Ирска не е фактор кој ќе ги привлече Хрватите",се вели во образложението, во кое се додава дека во Ирска во моментот има  само 846 хрватски државјани. Ирска со оваа одлука се приклучи на Словачка, Чешка, Данска, Финска, Естонија и Литванија, кои официјално објавија дека во нивните пазари на труд нема да го ограничуваат пристапот на хрватски работници. Одредени ограничувања најави Германија, Холандија, Австрија и Обединетото Кралство, а владата во Париз, Мадрид, Љубљана, Варшава, Лисабон и Рига уѓте ги разгледува можните одговори и нема конечна одлука. Според првите најави, лимити за хрватските работници ќе има во Полска, Португалија и Латвија. Во хрватскиот договорот за пристапување се дава можност на преоден период, во кој земјите членки на ЕУ можат да воведат рестрикции за вработување на хрватски работници според формулата "2+3+ 2", што значи дека првичнио ограничување на пристапот до пазарот на трудот има од две години, потоа земјите-членки можат да го продолжатн за уште три години, а со добра причина уште за две години потоа. Хрватска има право да воведе реципрочни мерки за оние членови кои решаваат да ја користат оваа опција.