Добивај вести на Viber
Благодарение на зајакнувањето на градежниот сектор и извозот, Ирска, во вториот квартал оствари раст од 0,4%, со што економијата на земјата излезе од рецесија, покажуваат официјалните податоци објавени денеска.
„Ирска падна во рецесија на крајот на 2012 година, но закрепна во вториот квартал од оваа година“, соопшти националниот Завод за статистика.
Економијата на Ирска слабееше во претходните три квартали, а во првиот квартал од оваа година падот беше на ниво од 0,6 проценти, пренесува агенцијата АФП.
Градежниот сектор зајакна во вториот квартал за 4,2 проценти во споредба со истиот период минатата година.