Добивај вести на Viber
Првата жена милијардер во Африка е Исабел дос Сантос, ќерка на претседателот на Ангола, Жозе Едуардо дос Сантос. Богатството на 40-годишната анголка ја пробило границата од една милијарда долари кое според Форбс, таа го стекнала со инвестиции и купување на акции во јавните акционерски друштва во Португалија и акциите на банките и кабелските телевизии.
Исабел дос Сантос студирала инженерство на Кралскиот колеџ во Лондон, каде живеела со својата мајка, која се развела од нејзиниот татко. Првата работа ја започнала во 1997 година, отворајќи во Луанда во Ангола ресторан кој го нарекла Мајами Бич.
Оттогаш, таа поминала долг пат кон големиот успех во бизнисот, првенствено со присуството во одборите на неколку компании во Ангола и Португалија. Во мај 2012 година го зголеми својот удел во најголемата кабелска телевизиска компанија ZON Мултимедија во Португалија од 4,9 отсто на 14,9 проценти. Денес е сопственик на 28,8 отсто од акциите и е еден од најголемите акционери во компанијата, чија вредност се проценува на 385 милиони долари.
Исто така, ќерката на претседателот на Ангола поседува акции и во една од најголемите банки во Португалија – Banco BPI. Со 25 отсто удел таа се наоѓа на чело на банката. Извори на Форбс говорат и дека таа поседува удел и во Unitel, една од двете телекомпании во Ангола.