Истражувачи: Видеото со последните секунди на авионот А320 се измислица
Објавено во: Свет 01 Април, 2015
Информациите за пронајден мобилен телефон со видеозапис во кој се снимени последните секунди од летот на „Ербас A320“ пред несреќата на Француските Алпи, се целосно неточни, изјави за „Си-Ен-Ен“ потполковникот на француската жандармерија Жан-Марк Меникини.
Според него мобилните телефони, кои се собрани од местото на несреќата, сеуште не се испитани од истражните органи. Овие телефони треба да бидат испратени на анализа во Институтот за криминални истражувања на националната жандармерија во Росни-су-Боа покрај Париз.
Германскoто списание „Билд“ и француското списание „Пари меч“ соопштија дека учесник во операциите за откривање на местото на несреќата нашол телефон со видеоснимка со случувањата во авионот. Според него патниците целосно биле свесни дека авионот ќе се урне. На снимката се слушнале извици „Боже мој!“ на неколку јазици, тврди „Пари меч“.
„Сцената е толку хаотична што не може да се препознае никој, но викотниците на патниците покажуваат дека биле целосно свесни за она што ќе се случи. Кон крајот, по едно посилна реорганизација, плачот се зајакнува. Потоа ништо“, пишуваат од списанијата. На истиот запис се слушнале, „барем три пати, удари со метал, кои наведуваат на мислата дека пилотот се обидува да ја отвори вратата на пилотската кабина со тежок предмет“.
Овие тврдења се целосно лажни, реагира потполковникот Меникини, запрашан од „Си-Ен-Ен“. Во Марсеј францускиот обвинител, е натоварен со судската истрага за несреќата, денеска го повика секое лице кое евентуално поседува видеозапис поврзан со несреќата, да го предаде на истражните органи, и истовремено негира дека има сличен запис.
Во хипотетичките случаи дека некој има такво видео, треба веднаш да го предаде на истражните органи од жандармеријата, истакнал Брис Робен. Тој негираше „во досегашната фаза на истрагата дали има видео или видеа со несреќата“.
Можеби ќе ве интересира
За оваа овошка сигурно не сте ни слушнале, а донесува одлична заработка: Цената е 5 евра за кг, а е се популарна во Европа
Спектакуларна кражба на криптовалути во САД: Студенти од престижен универзитет украле 25 милиони долари за 12 секунди
Живееме се подолго, тврди нова студија: Глобалниот животен век во 2050 година ќе биде - 78,2 години
Ова е директорот со најголeм бонус во светот! Го частеа повеќе отколку што му е годишната плата-причината 100 отсто оправдана!
Шок сцена во Парламент: Пратеник украде важни документи од опозицијата, а потоа настана општ хаос (ВИДЕО)
Франција изгуби контрола над делови на Нова Каледонија: На островот одекнуваат истрели и експлозии (ВИДЕО)
Советот на Европа го усвои првиот меѓународен договор за вештачка интелигенција
„Кина е клучниот снабдувач во светот“: Светската индустрија тешко ќе се одвикне од производството на истокот, еве зошто
„Му реков, Емануеле ние не веруваме во тоа“: Зеленски го одби предлогот на Макрон, се огласи и Путин
