Исчезнаа имињата на Грци со швајцарски сметки!
Објавено во: Балкан, Финансии 02 Октомври, 2012 15:00
Нова копија на диск кој ги содржи имињата на две илјади Грци со банкарски депозити во Швајцарија ќе побара грчкиот министер за финансии Јанис Стурнарас, откако е востановено дека дискот што го имал неговиот претходник исчезнал.
Како што јавуваат грчките медиуми, дискот во декември 2010 година прво го имала Кристин Лагард, тогаш министер за финансии на Франција а сега шеф на ММФ, и му го предала на нејзиниот грчки колега Јоргос Папаконстантину. Папаконстантину, кој беше на чело на Министерството за финансии од 2009 до 2011 година, во понеделникот рече дека му открил некои детали од дискот на поранешниот шеф на Одделот за финансиски и економски криминал (СДОЕ) Јанис Капелерис, а потоа комплетната копија му ја дал на наследниот на Капелерис, Јанис Диотис.
Според денешното издание на „Та Неа“ шефот на Националната разузнавачка агенција (ЕУП) Теодорос Дравилас исто така е запознаен со содржината на дискот откако добил копија од француските колеги. Весникот пишува дека француските власти одлучиле да и го предадат дискот на грчката Влада за да помогнат за „собирање пари од милионерите кои прикриваат данок“. Според оваа верзија на приказната, дискот прво и бил даден на ЕУП која потоа му го предала на Папаконстантину. Тој подоцна инсистираше на тоа дека тој имал своја копија директно од Лагард. А oткако би сменет од челната позиција на СДОЕ, Папаконстантину му дал комплетна копија на наследникот Јанис Диотис.
„Ги издвоив највисоките суми и имињата ги пратив во СДОЕ на проверка. Ми беше кажано дека прелиминарната истрага покажала проблеми со нивните даночни пријави, па затоа им го дадов целиот список“, изјави Папаконстантину за „Фајненшл Тајмс“.
Диотис, од своја страна, рече дека службата не била во можност легално да го искористи дискот.
„Не постои досие што содржи имиња кои агенцијата може правно да ги гони“, рече тогаш Диотис кој беше сменет од челната позиција на СДОЕ во август годинава откако побара да се отворат банкарските сметки на двајца поранешни министри, двајца поранешни пратеници и петмина актуелни пратеници за кои изрази сомневање дека се вмешани во перење пари.
Со употребата на податоци од дискови шпанските власти собраа шест милијарди, а италијанските 570 милиони евра во даноци.
Познавачите на приликите тврдат дека тоа што Стурнарас бара нова копија е непотребно, затоа што секоја од агенциите која го имала дискот мора да направила копија
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Потврден случај на лепра во Хрватска: Почната е задолжителна постапка за вакцинација
