Изградбата почнува – гасот преку „Јужен тек“ ќе стигне до Србија

Добивај вести на Viber

Денеска симболично ќе се означи почетокот на изградбата на гасоводот „Јужен тек"  во Србија. Сепак градежните работи со полн ек ќе почнат во февруари догодина. Во Палатата Србија, по повод свеченоста, присуствуваат претседателот на Србија , Томислав Николиќ  и премиерот Ивица Дачиќ, потоа рускиот министер за енергија Александар Новак, но и  Андреј Милер ,претседателот на управниот одбор на Гаспром и инвеститор на проектот. Притоа српската и руската страна ќе потпишат договор за транспорт, за финансирање и за прогласување на делот од гасоводот низ Србија како проект од национално значење, пренесоа српските медиуми. Ова е една од најголемите инвестиции во земјата, вредна повеќе од 1,9 милијарди евра. Со заварувањето на првиот спој од цевки на гасоводот во Шајкаш ќе биде свечено означен почетокот на работата. За изградба на српскиот дел од гасоводот, до првиот квартал на следната годинна, ќе бидат на располагање околу 500 милиони евра, кои ќе ги обезбедат Гаспром и Србијагас. Делот на„ Јужен тек “ низ Србија ќе биде долг 421 километр и веќе предвидува изградба на две гранки – во Хрватска од 52 километри и во Република Српска од 105 километри. На изградбата на овој транснационален гасовод кој завршува во западна Европа и кој низ Србија ќе минува во должина од 421 километар, директно ќе работат околу 25 илјади работници, а индиректно околу 100 илјади вработени од српските градежни компании, произведувачи на опрема и претпријатија од услужниот сектор.