ИЗРАЕЛ ИМА ПЛАН: Дали Палестинците ќе бидат раселени во Африка?

Добивај вести на Viber

Израел води тајни преговори со Конго за да прифати Палестинците од Газа кои сакаат да се преселат во оваа африканска држава. 

Израелската влада има намера со раселување на Палестинците од Појасот Газа по војната да го реши проблемот. Како што пишува „Тајмс оф Израел“, официјален Тел Авив на ова тема води тајни преговори со неколку држави. Една од земјите каде би прифатиле доброволно преселување на Палестинците е Конго. Африканската држава наводно веќе се согласила да прифатат илјадници „доброволни мигранти“ од Појасот Газа. Сепак, Израел нема да се ограничи само на оваа земја. Конкретно, Саудиска Арабија се смета меѓу можните места за преселување. 

„Конго ќе биде подготвен да прифати мигранти, а ние сме во преговори и со други држави. Нашиот проблем е да најдеме земји кои се подготвени да примат Палестинци од Газа, работиме на тоа“, изјави Нетанјаху на состанокот на партијата Ликуд. 

Против овие планови се САД, Франција и Германија. Според нив, иако се споменува Конго, западните земји стравуваат дека на крајот, најмногу од Палестинците ќе завршат во Европа. Палестинската терористичка група Хамас на 7 октомври лани го нападна Израел со барање за формирање на независна држава Палестина со главен град Ерусалим. Израел спроведува операција во Газа каде загинаа над 22.000 Палестинци.