ИЗРАЕЛЦИТЕ СО НОВО ВИДЕО ОД ТУНЕЛИТЕ: Терористите на Хамас го кријат влезот под бебешко креветче
Објавено во: Свет 17 Декември, 2023
Израелските одбранбени сили тврдат дека пронашле тунел на Хамас скриен под креветче на дете.
Во една куќа во градот Џабалија, недалеку од Газа, припадниците на израелските одбранбени сили го нашле влезот во тунелот на Хамас.
Израелците тврдат дека влезот во тунелот бил скриен под бебешко креветче во детската соба.
ИД објави видео на кое се гледа, како што тврдат, тунел, за кој велат дека има и скали.
Според нив, влезот во тунелот бил уништен.
Да потсетиме дека милитантната организација Хамас изгради стотици километри тунели во Појасот Газа.
During activity in Jabalya, the Nahal Brigade located an operational tunnel shaft inside a children's room in the basement of a building. This shaft included built-in stairs and was destroyed by the brigade's engineering forces. pic.twitter.com/O9yDS6HoVN
— דובר צה״ל דניאל הגרי - Daniel Hagari (@IDFSpokesperson) December 17, 2023
Овој „подземен свет“ им овозможува на милитантите да се движат низ Појасот Газа без да можат да бидат лоцирани со сателити, беспилотни летала или израелски војници.
Тунелите во Газа се поголеми од лондонското метро. Се верува дека изградбата на подземните тунели почнала во 1980-тите, за да може шверцерите на оружје и дрога да го заобиколат граничниот премин Рафа.
Оттогаш до денес овие премини добија уште две намени - служат за одбрана и напад. Во нив има продавници со оружје, вода и храна, штаб за контрола и комуникација. Мрежата од тунели се протега и на делови од Израел, а се верува дека на 7 октомври Хамас на овој начин го нападнал Израел и извршил серија напади.