ИЗРАЕЛКА КОЈА СЕ СПАСИ ОД ГАЗА: Поминав низ Холокауст
Објавено во: Свет 29 Декември, 2023
Поминав низ Холокауст, вели Миа Шем, 21-годишната Израелка, која беше во заложништво во Газа.
Таа за израелската телевизија „Канал 13“ изјави дека сака да даде вистинска слика за луѓето кои живеат во Газа, нивните вистински намери и сето она што го доживеала во заробеништво. Вели дека таму сите се терористи.
„Тоа се семејства под режимот на Хамас, знаете. Сфатив дека сум со семејството. Потоа почнав да поставувам прашања… зошто сум со семејство? Зошто се децата овде? Зошто жената е тука?“, изјави Шем, која покрај израелското има и француско државјанство.
Откако поминала 54 дена во заробеништво, терористите ја натерале Шем да сними видео порака за нејзиниот престој во Газа, пишува Дејли мејл. Таа морала да каже дека се чувствува добро.
Шем на 9 декември објави свои фотографии на социјалната мрежа Инстаграм, на кои може да се види дека има тетоважа на левата подлактица „Повторно ќе танцуваме, 7.10.23“. Хамас на 7 октомври почна со напади на Израел. Потоа Израел почна со операција во Газа која уште трае. Таму загинаа над 21.000 Палестинци.