ИЗРАЕЛСКАТА АРМИЈА ГИ СОБЛЕЧЕ ПАЛЕСТИНЦИТЕ: Меѓу нив има и деца
Објавено во: Свет 28 Декември, 2023
Се споделува видео на кое се гледа дека израелската армија ги соблекла Палестинците и ги натерала да клечат на стадион, а меѓу нив се и две деца.
Ова се случило во северниот дел на Газа. Не се знае кога е снимено видеото, но Си-Ен-Ен ја лоцираше геолокација и вели дека видеото е направено на стадионот Јармук во Газа, локација за која невладината организација Евромедитерански центар за човекови права соопшти дека е користена како место за привремен притвор. Си-Ен-Ен побара коментар за видеото и приведените деца до ИДФ, но сè уште не доби. Израелските сили уапсија стотици палестински мажи и момчиња во последните недели. Претходно израелската армија објави дека ги соблекла затворениците за да се увери дека не носат експлозив. Израел начелно се согласи да му дозволи на Кипар да отвори поморски коридор меѓу тој остров и Појасот Газа. Палестинското Министерство за здравство на Хамас денеска соопшти дека во израелските операции во Појасот Газа од почетокот на војната на 7 октомври загинале 21.320 луѓе. Хамас на 7 октомври почна со напади на Израел, а сега Израел прави операција во Газа за да ја уништи оваа палестинска терористичка група.