Добивај вести на Viber
Нема ништо спорно во продажбата на атрактивната локација кај НБРМ по цена од 71 денар за метар квадратен, смета Министерството за транспорт и врски.
„Целокупната постапка за отуѓување на оваа локација е по електронски пат и е во согласност со законските прописи, а истата е реализирана на транспарентен начин, при што секој може да има увид во извршеното јавно наддавање“, објаснуваат од Министерството со соопштение.
Во соопштението се појаснува дека со цел привлекување на нови инвестиции и стимулирање развој на туризмот, уште во септември 2010 година од страна на Владата на Република Македонија е предвидено почетната цена на јавните наддавање за продажба на градежно неизградено земјиште за хотели да биде евро за метар квадратен на територијата на целата држава.
Од Министерството реагираат на изјавите на градоначалникот на општина Центар Андреј Жерновски, кој денеска продажбата ја нарече скандалозна и најави дека општината ќе направи се што е во законска можност за да ја спречи изградбата на барок-хотелот.
Жерновски: Центар ќе се спротивстави на изградбата на барок-хотелот кај НБРМ
„За жал, можеме да констатираме дека и денешниот ден градоначалникот на Центар го има потрошено во смислување на медиумски сензации со обид да го привлече вниманието на јавноста, наместо да се занимава со активности и проекти кои треба да го подобрат живеењето на жителите на општина Центар“, стои во соопштението од Кабинетот на министерот Миле Јанакиески.