Јанакиески открива- што ќе се гради во 2013-та?

Добивај вести на Viber

Минатата година се завршени вкупно 74 локални патиштата со вкупна должина од 168 километри за што се инвестирани околу 800 милиони денари, информираше денеска министерот за транспорт и врски, Миле Јанакиески. За годинава тој најави реконструкција на 32 локални патишта во 19 општини во соработка со Светска банка, а во соработка со Европската банка  за обнова и развој ќе има дополнително уште 80 проекти за кои веќе имало склучено договори. „Ова значи, над 100 локални патишта планирано е да се реконструираат во текот на 2013 година“, истакна Јанакиески. Во однос на регионалната патна мрежа истакна дека е предвидено да има градежни активности за инфраструктурно поврзување на Сончев град. Планирани се градежни активности на патниот правец Ангелци-Вељуса-Водоча, информираше Министерот кој очекува годинава да заврши изградбата на патниот правец Радовиш - Конче, Кавадарци-Мушев гроб и да почнат градежните работи на патниот правец од Арачиново до Липково и од Бошков до Гарски мост. Во тек е јавен повик за изградба на клучката Брвеница и за завршување на проектот Тетово-Јажинце, посочи Јанакиески. Кон крајот на годината се очекува да започнат градежни активности  изградба на патниот правец Велес-Кадрифаково и да започне и реконструкција на вториот дел од Коридорот 10 од Велес до Катланово. Планови за инвестиции во железницата

Во делот на инвестирање во железничката инфраструктура, Јанакиески рече дека во следните два месеца би требало да има повик за ангажирање компанија за изградба на железничката пруга до Бугарија во делот од Куманово до Белјаковце. Во однос на вториот дел на пругата од Белјаковце до Крива Паланка обезбедени се средства и веќе се подготвува проект што треба да биде готов до крајот на оваа година.

За пругата кон Албанија, Министерот информираше дека има повик, повторно преку ИПА фондовите, за избор на компанија која во текот на 2013 година и 2014 ќе го изработи проектот за оваа делница.