ЈАНЧЕВ открива во кој случај е можно формирање на нова партија
Објавено во: Македонија 04 Октомври, 2019
Доколку ВМРО-ДПМНЕ не ја смени реториката и политиката, остава простор да се формира нова партија. Ова го истакна градоначалникот на општина Кавадарци Митко Јанчев во ексклузивното интервју за Фактор.
-Јас лично, до овој момент немам никакви преговори или договри за правење на нов концепт или нова партија, но пак ќе кажам, доколку не успееме да се соединиме и да направиме тоа што треба, не ја затворам можноста за понатамошно дејствие во тој поглед. Меѓутоа ако ситуацијата налага да не се вразумиме како партија или не стигнеме до нешто што треба да стигнеме, тогаш има простор да се размислува, доколку и сакам да влегувам понатаму во политичките дејствија, бидејќи јас сепак сум градоначалник, со мандат и функција од ВМРО-ДПМНЕ...вели Јанчев.