Добивај вести на Viber
Јапонскиот финансиски регулатор и нареди на банката Мизухо, една од најголемите во земјата, делумно да го запре работењето во одделот за кредити. Станува збор за дополнителна казна за оваа банка поради нејзините врски со организиран криминал.
Како што наведува Мизухо фајненшел груп, мајка фирма на Мизухо банка, директорот на банката Такаши Цукамото, на 31. март ќе се симне од функцијата и ќе ја превземе одговорноста за споменатиот скандал, пренесува Франс прес.
Според соопштението на јапонската Агенција за финансиски услуги, на Мизухо банка и е наредено, од 20. јануари да прекине со одобрување на нови кредити во траење од месец дена, како и да го подобри своето управување со банката.