ЈАПОСКИОТ ГИГАНТ „ПАНАСОНИК“ ОТПУШТА 10 ИЛЈАДИ РАБОТНИЦИ - еве кои сектори ќе бидат најпогодени
Објавено во: Економија 09 Мај, 2025 11:32
Јапонскиот гигант „Панасоник Холдингс“ објави дека планира да го намали бројот на вработени низ целиот свет за 10.000 работници.
Овој потег ќе биде имплементиран во фискалната година што завршува во март 2026 година. Компанијата ќе идентификува технолошки вишок во оддели како што се човечки ресурси и сметководство, објавиjа светските медиуми.
Јапонската фирма, исто така, соопшти дека ќе разгледа некои од своите организациски единици, вклучувајќи ги и оние што произведуваат телевизори, кујнски апарати, индустриски мотори и автоделови, за да одлучи за потенцијална продажба.
Одлуките ќе бидат донесени во текот на фискалната година што завршува во март 2026 година и ќе бидат спроведени следната година, според соопштението на компанијата.
Panasonic to cut 10,000 employees, expects to book $900M reform costs https://t.co/sR7pQscEYy pic.twitter.com/Jz9Cxkgef3
— New York Post (@nypost) May 9, 2025
Во соопштението на „Панасоник“ е наведено дека во текот на оваа фискална година ќе отпушти 10.000 вработени, по 5.000 во Јапонија и во странство, со цел да се запре падот на профитот преку реструктуирање и пренасочување на работењето кон области со повисок раст.
- Ќе го забрзаме преминот кон попрофитабилни сектори, ќе се потпреме на напредни технологии за вештачка интелигенција и ќе се фокусираме на сегменти што носат раст - се наведува во официјалното соопштение на компанијата од Осака.
„Панасоник“ изјави дека трошоците за реструктуирање во фискалната година до март 2026 година ќе изнесуваат околу 130 милијарди јени, односно 895 милиони долари, пренесува „Блумберг“.
Секторите за индустриски апарати и телевизори, кои бележат низок раст, ќе бидат најпогодени, бидејќи компанијата планира значително да ги намали, па дури и да затвори некои од нив.
„Панасоник“ е еден од клучните партнери на американската компанија „Тесла“ на која ѝ испорачува батерии за електрични автомобили, но промената на приоритетите јасно покажува дека јапонската компанија бара постабилни извори на приход и поголема оперативна ефикасност.
Како што беше најавено уште во февруари, „Панасоник“ има за цел поврат на капиталот (ROE) од најмалку 10 проценти до фискалната 2029 година.
Можеби ќе ве интересира
РАЗЛИКИТЕ СЕ ГОЛЕМИ: Еве каде се највисоките плати во ЕУ, по земји
НАСКОРО „ГРАДСКИ ВОЗ“ ЗА СКОПЈАНИ И ЖИТЕЛИТЕ НА ПРИГРАДСКИТЕ НАСЕЛБИ: Еве што најавува премиерот
МИЦКОСКИ НАЈАВИ ГОЛЕМА ИНВЕСТИЦИЈА: Еве кој ќе инвестира
КОЈ ИЗЛЕГУВА, А КОЈ ВЛЕГУВА? експерти велат: „Ова е само почеток на нова ера!“
ПАТУВАЊЕ ОД ЛОНДОН ДО ЖЕНЕВА ЗА САМО ПЕТ ЧАСА! Новиот директен воз го менува европскиот транспорт
ГЕРМАНИЈА БАРА СПАС ВО СТРАНСКИТЕ РАБОТНИЦИ: Еве кои работници доминираат, заработуваат солиден приход иако не работат со полно работно време
ФОН ДЕР ЛАЈЕН СЕ ПОДГОТВУВА ЗА ПАТУВАЊЕ ВО АМЕРИКА: Еве го нејзиниот услов за Трамп
ЕКОНОМСКИ СТРУЧЊАК ИЗНЕСЕ МРАЧНА ПРОГНОЗА ЗА АМЕРИКАНСКИОТ ДОЛАР - уште позагрижувачки се предвидувањата за економијата
УАКС: Од визија до влијание – две децении кои го обликуваат образованието во Македонија
