Јавниот долг расте со „брзина на светлината“

Добивај вести на Viber

Бројачот на јавниот долг, иако само приближен показател, не мирува ниту секунда, секоја секунда расте за речиси 15 евра просечно.

Во моментов според бројачот тој изнесува 4 милијарди 385 милиони евра или речиси 47.85% од бруто домашниот производ.

Висината на вака високиот долг  е уште еден историски неуспех на креаторите на економските политики во Македонија – вели дополнителниот заменик министер за финасии во оставка Кире Наумов.

Наумов тврди дека Министерството за финансии со манипулации се обидувада прикаже дека јавниот долг се намалил, иако тој за три месеци се зголемил за 105 милиони евра.

„Во нормални околности износот на проектираниот БДП во овој момент треба да изнесува 9.176,3 милиони евра, како збир на предвидениот БДП од  прв квартал од 2016 година со соодветниот раст и реализациите од вториот, третиот и четвртиот квартал од 2015 година“ , укажува Наумов.

Од Министерството за финансии пак велат дека со  државен долг од 36,8 отсто Македонија е петта најмалку задолжена земја во Европа. Во првиот квартал од 2016 година државниот долг на Македонија бележи намалување од 38 отсто на 36,8 отсто, додека јавниот долг од 46,5 на 45 отсто. Повеќе задолжени од Македонија се Данска, Шведска, Финска, Холандија, Германија, Австрија, Велика Британија, Франција и други развиени европски економии.

Јавен долг е страна на која може да следите колку Владата не задолжува секоја секнуда.