Језидите и христијаните во Ирак се соочуваат со истребување

Добивај вести на Viber

Американски авион утрово повторно исфрлаа храна и вода за да им помогнат на илјадници припадници на ирачкото верско малцинство језиди да преживеат, бегајќи од џихадистите на екстремистичката Исламска држава. Илјадници цивили од оваа група бегаат во страв, додека екстремистите држат заробени стотици жени во училиштата во вториот по големина ирачки град Мосул. „Веруваме дека терористите ги сметаат за робинки и имаат злонамерни планови за нив. Сметаме дека ќе ги искористат на понижувачки начин за да ги задоволат своите анимални потреби на начин кој е спротивен на човечките и исламските вредности“, рекол локален ирачки официјален претставник. Додека жените се заробени, на интернет се појавија фотографии кои сведочат за масовна егзекуција на 500 мажи и деца од верската група језиди. Исламските екстремисти ги извеле во пустина и ги егзекутирале. Језидите припаѓаат да древна религија која припадниците на Исламската држава ја сметаат за еретичка. За отпадници од религијата екстремистите ги сметаат и шиитските муслимани, додека од христијаните бараат или да преминат во ислам или да плаќаат специјален данок. Десетици илјади припадници на језидите се опколени од џихадистите на планината Синај, под закана дека ќе ги убијат ако се обидат да побегнат. Таму немаат ниту храна ниту вода, па нивниот живот е во опасност. Според податоцитер на Обединетите нации, околу 40.000 језиди, меѓу кои и многу жени и деца се кријат на девет локации на планината Синај, која според локалната легенда, е последната дестинација на чамецот на Ное. „На барање на ирачката влада, започнавме операции за помош на ирачките цивили кои се заробени на планината. Овие терористи се особено варварски настроени кон верските малцинства, вклучувајќи ги христијаните и језидите“, изјави американскиот претседател Барак Обама.