Јосифовски држи „темпо“ со откуп на нови акции на Макпетрол
Објавено во: Економија 25 Октомври, 2017
Андреја Јосифовски, претседателот на управниот одбор на Макепетрол, продолжува со одржување на „темпото“ на отуп на акции на Макпетрол со што го зголемува својот удел како и можноста за влијание преку акциите со право на глас во компанијата.
Точно еден месец по откупот на 300 акции во текот на септември, така и сега за последните 30 дена Јосифовски вложува уште пеесетина илјади евра со купување на нови 100 акции.
Вредноста на акциите на Макпетрол на Македонска берза варираше во текот на октомври, па од почетната цена од 29.400 денари денес на 25 октомври се спушти на 28.000 денари.
Инаку ова е трета по ред трансакција на директорот Јосифовски кој во јули откупи околу 60 акции. Неговиот пример го следи и Саша Лекиќ, членот на Управниот одбор кој во изминатите 30 дена се стекнал со 50 акции.
Минатата година Јосифовски како и повеќе директори од Управниот и Надзорниот одбор на Макпетрол исто така вложуваа десетици илјади евра за откупување на акции од нафтената компанија.
Макпетрол по остварената добивка за 2016 година додели и дивиденда од 1000 денари за една обична акција, а на акционерите вкупно од дивидендниот „колач“ им подели по 112.382.000 денари.