Јовески: JO будно ги следи информациите за наводна наредба за форензичко бришење на податоци во СЈО
Објавено во: Македонија 29 Јули, 2019
Државниот обвинител, Љубомир Јовески во интервју за Канал 5 изјави дека Јавното обвинителството будно ги следи информациите за наводна наредба за форензичко бришење на податоци во СЈО.
Тој наведе дека СЈО демантираше дека е побарано форензичко бришење.
„Доколку Обвинителството дојде до цврсти сознанија ќе преземе соодветни мерки согласно законот“ – рече Јовевски.
Тој вели дека во новото Обвинителство треба да се задржат ресурсите од сегашното СЈО, мислејќи на буџет и кадар. Сепак рече дека неказнивост нема да се дозволи.
Премиерот Зоран Заев денеска не сакаше да ги коментира информациите во медиумите дека специјалната јавна обвинителка во оставка, Катица Јанева наредила бришење на податоци од компјутерите во СЈО. Вели дека не знае што е форензичко бришење.