ЈП „Државни патишта“ најголем добитник на државна помош во корона-кризата во 2020
Објавено во: Економија 13 Јануари, 2021
Јавното претпријатие „Државни патишта“ е економскиот субјект кој добил најголема државна помош во рамки на економските пакети за справување со ковид-кризата во текот на изминатата година.
Претпријатието од Владата на 30 декември добило исплата од 180 милиони денари како државна помош и со тоа е најголемит добитник на еднократна помош за справување со економските последици предизвикани од коронавирусот низ текот на 2020.
Доколку не се сметаат деловните банки, кои добија пари од Владата да ја распределуваат државната помош од 6.000 денари на граѓаните, покрај Државни патишта, во самиот врв е уште едно јавно претпријатие по најголема еднократна исплата како мерка против Ковид-19. Тоа е АД Водостопанство со 36.041.070 денари кои ги добило на 23 декември. Пред него се само Државни патишта и Кромберг и Шуберт, кој добил 73.587.500 денари на сметката во мај.
Од јавните претпријатија и акционерските друштва во сопственост на државата, добро котираат и Градски трговски центар - Скопје со исплатени 17.853.090 денари на шест дена пред Нова Година, како и ЈП Паркови и зеленило - Скопје со исплатени 10.788.000 од Владата на 30 декември.
Во моментов директор на ЈП „Државни патишта“ е Ејуп Рустеми, доскорешниот прв човек на „Македонска пошта“, кој доаѓа на местото на Зоран Китанов. По смената, Китанов е определен за нов член во одборот на директори на Македонски Телеком.
Јавното претпријатие за државни патишта во текот на минатата година остварило најголема добивка во однос на сите други државни фирми и јавни претпријатија. Добивката е во висина од 46,9 милиони евра. Ова претпријатие високо котира и според остварените приходи во текот на минатата година кога има приходи во износ од 140 милиони евра. Просечниот број на вработени бил 457 лица.
Владата најави дека ќе и помогне и на Македонска пошта, Македонски железници - Транспорт, ЈСП Скопје, СРЦ Борис Трајковски и некои други претпријатија, но таа помош не е евидентирана на пребарувачот на „Отворени финансии“ за 2020.
А.К.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ВОЗАЧИ, ЕВЕ ШТО ТРЕБА ДА ЗНАЕТЕ КОГА УТРЕ ЌЕ ОДИТЕ НА БЕНЗИНСКА - Регулаторна со нови цени на горивата
Еве ги најголемите економски патриоти! Кои се најголемите македонски извозници меѓу котираните компании?
МИЦКОСКИ КАЖА КОГА КОНЕЧНО ЌЕ СЕ ДЕФИНИРААТ УСЛОВИТЕ ЗА УНГАРСКИОТ КРЕДИТ: Еве што најави
ВО СРЕДА ЌЕ ИМА ЈАВНА БЕРЗАНСКА АУКЦИЈА ЗА 9,83 ОТСТО - кој ќе искешира 7,34 милиони евра за акции на „Македонијатурист“
ШТО Е ТОА ШТО ГИ РАЗЛИКУВА „ТЕМУ“, „АЛИЕКСПРЕС“ И „ШЕЈН“: Голема трка за новиот кинески император
БАНКРОТ НА ЕВРОПСКИОТ ГИГАНТ ЗА БАТЕРТИИ: Директорот поднесе оставка откако се тргна надолу
Должник на МЕПСО од Косово пред суспензија од пазарот за електрична енергија
ОВА Е НАЈОМРАЗЕНИОТ ЧОВЕК НА ВОЛСТРИТ: Трамп го номинираше за министер за трговија
