ЈСП: Стартува бесплатното возење за пензионери во недела

Добивај вести на Viber

Бесплатното возење за пензионери во автобусите на ЈСП - Скопје во недела започнува веќе неделава. „Штом ќе се исполнат условите, ќе почне да се применува одлуката за бесплатен превоз и во недела. Доколку во наредната седмица се конституира парламентот, тогаш и од наредната недела и ќе почне да се применува оваа одлука што ја донесе Советот на Град Скопје“, најави директорот на ЈСП Мишо Николов. Со оглед на тоа што Парламентот е веќе конституиран, не постојат веќе пречки за одлуката да почне да се применува. Пензионерите досега во автобусите на градскиот превоз во Скопје се возеа бесплатно во вторник, петок и сабота. Одлуката за „бесплатна недела“ беше донесена уште пред  изборите, но не можеше да се применува заради одредбите во Изборниот законик. Во предизборната програма ВМРО-ДПМНЕ вети и бесплатен градски превоз за студентите во четврток, но ова сеуште не поминало во Советот на Град Скопје. Со оглед на драстично зголемениот број на патници во автобусите на ЈСП во деновите на бесплатен превоз за пензионери, претпријатието најави дека ќе им излезе во пресрет на скопјани и ќе го засили бројот на возила на најфрекврентните линии. По уште едно возило ќе биде пуштено на линиите „2“, „5“ и „57“, а по потреби и повеќе, најави Николов, додавајќи дека потребата била согледана врз основа на податоците за бројот на патници кои го користат јавниот градски превоз.