Југохром доби 1,5 милиони евра државен заем за филтри, но ги нема на повидок
Објавено во: Економија 15 Септември, 2018
„Југохром“ по одобрениот заем од 1,5 милиони евра од Македонската банка за поддршка на развојот, поставување филтри, досега има поставено само метални конструкции за филтрите, информира Алсат.
„Металните конструкции се поставени, а наскоро очекуваме да се постават и куполите на филтрите. Потоа ќе имаме прес-конференција за медиумите на која ќе информираме за текот на работите“, рече Бајрам Амити, синдикат на Југохром.
Но, според информациите на Алсат-М, работите се прекинати поради тоа што од комбинатот од Јегуновце се уште му нема платено на ФаКом, компанијата што ги поставува филтрите.
Од општина Тетово побараа од Владата преку Инспекторатот за животна средина да ја контролира работата на Југохром.
„Владата има извршни органи, во овој случај Инспекторатот за животна средина кој треба да провери зошто Југохром не делува во таа насока“, рече Арменд Фазлиу, портпарол на општина Тетово.
Пред три месеци владата на Југохром преку Македонската банка за поддршка на развојот му овозможи кредит од 1,5 милиони евра за поставување филтри, зафат што ќе треба да чини вкупно 4,5 милиони евра.
Можеби ќе ве интересира
СОЛИДНА ДНЕВНИЦА, СМЕСТУВАЊЕ И ХРАНА: Србија бара берачи на малини
ПРЕСКАПО: Дневен паркинг во Дубровник чини и до 200 евра
УТРЕ ПОЧНУВА САМИТОТ НА МАКЕДОНИЈА 2025 - ВО ФОКУСОТ ПРОСПЕРИТЕТОТ И ДЕМОКРАТИЈАТА ВО ЕРА НА ДИГИТАЛИЗАЦИЈА И БРЗИ ПРОМЕНИ
ФАКТОР АНАЛИЗА: Кои се „господарите“ на рентата во Македонија за 2023?
ФАКТОР АНАЛИЗА: Кој направи преку 30 милиони евра добивка од изградба на станови лани?
КИНА ЈА ЗАБРЗУВА ДИГИТАЛНАТА ТРАНСФОРМАЦИЈА НА ПРОИЗВОДСТВЕНИОТ СЕКТОР - придобивки за компаниите и намалени трошоци
„ЦРВЕНОТО ЗЛАТО“ РЕЧИСИ КАКО ЖОЛТОТО: Цената на малините руши рекорди, ниту кајсиите не се многу подобри
ВАКА ММФ ГО ГЛЕДА СВЕТОТ ДО 2026 ГОДИНА: Каде оди глобалната инфлација?
